Osasungintza publikoa defendatu

Bizitzak · Zaintza · Komunitatea

Azken egunetako osasungitzako lehen mailako arretan ematen ari den kolapsoaren aurrean, Nafarroa zein EAE-ko osasun sareetan dagoen baliabide faltaren eta pandemiaren gestioaren harira, hainbat hausnarketa plazaratu nahi ditugu:

  • Osasun zerbitzu eta baliabideen desmantelamendu baten aurrean kokatzen gara:

    • Sistema kapitalistak eta neoliberalismoaren eskutik osasungintza, zerbitzu publikoak orokorrean eta bizitza duinak izateko baliabideen suntsiketa basatia bizitzen ari gara.

    • Urkullu eta Chiviteren politika neoliberalek ekarri gaituzte puntu honetara. Gogoan izan behar ditugu erresidentzietako langileen egoera, Onkologikoarena…

  • Pandemiaren kudeaketa argia izan da: gutxi batzuen etekin ekonomikoak bizitzak salbatzearen aurretik kokatu dira.
    • Multinazionalak eta lobby farmazeutikoak dira egoera honetatik etekin handiena ateratzen ari direnak.Alfonbra gorria jarri zaie osasunarekin negozioa egiteko.

    • Txertoaren patentea publifikatzea exijitzen dugu.

    • Hego Euskal Herrian dauden osasungintza enpresa pribatuen baliabideak publifikatzea eskatzen dugu, herritarron mesedetara jarriz.

  • Baliabideen hornitzea eta indartzea bilatu beharrean, gobernuek neurri murriztaileetan sakontzea nahiago izan dute.

    • Chivite eta Urkulluren Gobernuak izan dira pandemiari aurre egiteko osasun sare publikoetako baliabideetan inbertsioak egin beharrean herritarron gain ardura jarri izan dutenak, kapitalaren mesedeetan dauden komunikabide publiko zein pribatuen laguntzaz.

    • Zentzu horretan ulertu eta gaitzetsi behar dugu covid ziurtagiriaren ezarpena. %90eko txertaketa tasarekin eta osasun sistemak kolapsaturik, kontrolerako neurri ez-eraginkor eta zentzugabeetan fokoa jartzea nahiago izan dute agintariek, haien ardurak ezkutatuz.

  • Horrenbestez, ezinbestekotzat jotzen dugu:

    • Osasungitza publikoa baliabidez hornitzea eta kolapsoari aurre egitea.

    • Osasungitzaren pribatizazioa etetea.

    • Pandemiari aurre egiteko neurri eraginkorrak hartzea eta etekin ekonomikoak edota kontrola helburu dutenak baztertzea.